Биылғы алты айда (2019 жылғы маусым 2018 жылғы желтоқсанға) экспортталатын тауарлар бағасы 4,3%, импорттық тауарлар бағасы 4,1% қымбаттады.
Экспорттық жеткізілімдер ішінде ферроқорытпалар мен қорғасын бағасы төмендеген, алғашқысы 11,7% арзандаса, қорғасын бағасы 4% төмендепті. Мақта бағасы 2,9% төмендеген.
Ал темір кендеріне – 33,3%, көмірге – 19,2%, мұнайға – 11,5%, порландцементке – 7,9%, мырышқа – 4,1%, мысқа – 2,1% баға жоғарылады. Бидайға – 18,8%, күрішке – 6,2%, жүнге 1,6% жоғарылауы тіркелді.
"Импортталатын өнімдерден көкөністер – 41,6%, балық – 8,2%, шұжық өнімдері – 7,5%, сүт өнімдері – 6,3%, кофе – 5,4%, құс еті, шай – 4%-дан, маргарин – 2,8%, өсімдік майы – 2%, темекі 1,3% қымбаттады, жемістер мен жаңғақтар – 4,3%, қант 2,7% арзандады. Баға пластмассаға – 7,4%, сүрекке – 6%, құрылыс материалдарға – 5,4%, қағазға 5,2% жоғарылады, былғарыға – 0,7%, аяқкиімге 0,4% арзандады",– делінген ҰЭМ статистикасында.
