Партия төрағасы Айқын Қоңыров сайлау өрескел құқық бұзушылықсыз өткенін және оның нәтижесін халықаралық қауымдастық мойындағанын жеткізді.
– Біз лайықты нәтиже көрсеттік. Ендігі міндет – партияның бастамаларын ойдағыдай жүзеге асыру, – деді Айқын Қоңыров.
Сайлау қорытындысы туралы республикалық сайлауалды штабтың жетекшісі, ҚХП орталық комитетінің хатшысы Олжас Сыздықов баяндады.
Ол партияның үгіт-насихат жұмысы ойдағыдай жүргізілгенін мәлімдеп, партиялық тізім бойынша ҚХП атынан мәжіліске 113 және түрлі деңгейдегі мәслихаттарға 214 кандидат ұсынылғанын айтты.
– Сайлауға қатысқан кезде партия заң шығарушы және жергілікті билік органдарында мүмкіндігінше көп орын алуды көздеді. Біздің алдағы жұмысымыздың мақсаты – қарапайым адамдардың құқығы мен заңды мүддесін қорғау, – деді Олжас Сыздықов.
Ол партияның сайлауалды бағдарламасы ел азаматтары тарапынан қолдау тапқанын тілге тиек етті.
– Біз сайлауалды тұғырнаманың әрбір қазақстандық сайлаушыға жетуі үшін бар күшімізді салдық, – деді Олжас Сыздықов.
Қанат Махамбет
