/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
#BizBirgemiz волентерлері «Халық алғысы» медалімен марапатталды

#BizBirgemiz волентерлері «Халық алғысы» медалімен марапатталды

«Birgemiz» қоры арқылы 550 мың мұқтаж отбасыға қаржылай қолдау көрсетілді.

06 Шілде 2020 20:01 223

#BizBirgemiz волентерлері «Халық алғысы» медалімен марапатталды

«Nur Otan» партиясының орталық аппаратында Мемлекет басшысы Қасым-Жомарт Тоқаев бекіткен «Халық алғысы» бекіткен «Халық алғысы» арнайы медалімен «Biz Birgemiz» жалпыреспубликалық акциясының ең белсенді волентерлерін марапаттау рәсімі өтті, деп хабарлайды ҚазАқпарат.

Салтанатты шара барысында партия Төрағасының бірінші орынбасары Бауыржан Байбек соңғы бірнеше ай ішінде Нұрсұлтан Назарбаевтың бастамасымен құрылған «Birgemiz» қоры арқылы 550 мың ең мұқтаж отбасыға тікелей қаржылай қолдау көрсетілгендігін айтты. 5 мыңнан астам маска тегін таратылды. «Nur Otan» партиясы мен Тұңғыш Президент қоры арқылы шамамен 300 мың отбасы азық-түлік және ең бірінші қажетті тауарлар алды. Оның атап өтуінше, осынау ауқымды жұмысты волентерлердің көмегінсіз атқару мүмкін емес еді.

«Бүгін маған Мемлекет басшысы Қасым-Жомарт Кемелұлы Тоқаевтың атынан сіздерге «Халық алғысы» арнайы медалін табыс ету мәртебесі бұйырып тұр. Сіздер өздеріңіздің денсаулықтарыңыз бен қауіпсіздіктеріңізді тәуекелге сала отырып, бірнеше ай бойы мұқтаж қазақстандықтарға көмектестіңіздер. Түркістан облысының Мақтаарал ауданын су басқанда да зардап шеккен тұрғындарға көмектесу үшін ең бірінші аттанғандардың қатарында болдыңыздар. Сіздерге азаматтық белсенділіктеріңіз бен бауырмалдылықтарыңыз үшін рахметімді айтамын. Сіздердің басым көпшілігіңіз партияішілік праймеризімізге де белсене қатысатындықтарыңызға сенімдімін», - деді ол.

Волентерлерге Мемлекет басшысының атынан медальдармен қатар еліміздің Тұңғыш Президенті Нұрсұлтан Назарбаев бейнеленген және қолтаңбасы қойылған лимиттелген футболкалар табыс етілді.

Елордада қала күніне орай 16 іс-шара жоспарланған

Мерекелік бағдарламалар жабық залдарда емес, ашық аспан астында ұйымдастырылмақ. 

01 Шілде 2020 17:46 259

Елордада қала күніне орай 16 іс-шара жоспарланған

Ауырғандар күн санап, артып жатса да Астана күні тойланатын болды. Тұңғыш Президенттің туған күніне тұспа-тұс келетін мейрамда барлық санитариялық шаралар сақталады, дейді әкімдіктегілер.

Биыл елорданың сарыарқа төріне көшкеніне 22 жыл толады. Даталы күнде бас қалада 16 іс-шара жоспарланған. Коронавирус салдарынан мерекелік бағдарламалар жабық залдарда емес, ашық аспан астында ұйымдастырылмақ. Келушілерге ара-қашықтықты сақтау талабы қойылып, онлайн көрсетілім де көзделген.

Шілденің 3-і мен 4-де Есіл өзенінің жағасында жұлдыздар автобустар мен теплоходта өнер көрсетеді. Шілденің бесі мен алтысында Ботаникалық саябақта гүлдер жәрмеңкесі мен түрлі байқаулар өтеді. Сонымен қатар, далада қойылатын кинотетарлардан тұрғындар отандық фильмдерді тамашалай алады. Спорттық сайыстар мен велошеру ұйымдастыру жоспарға енген. Негізгі шара – 6-шы шілде күні Нұр-Сұлтан – Ұлы Дала жүрегі атты гала-концертке ұласады. Тлығырақ Atameken Business-те:

Елордалықтарды ашық аспан астындағы кинотеатр күтіп тұр

Көрсетілім «Астана-Арена» стадионының алдында (Қабанбай батыр даңғылы бойымен) өтеді. 

01 Шілде 2020 13:05 176

Елордалықтарды ашық аспан астындағы кинотеатр күтіп тұр

Астана күнінде тұрғындар отандық және әлемдік кинематографтың үздік туындыларын тамашалай алады, деп хабарлайды әкімдіктің ресми сайты.

Нұр-Сұлтан тұрғындары мен қонақтары 1-6 шілде аралығында қазақстандық және әлемдік фильмдерді ашық аспан астында тамашалай алады. Көрсетілім «Астана-Арена» стадионының алдында (Қабанбай батыр даңғылы бойымен) өтеді.

Ұйымдастырушылар қауіпсіздік шаралары туралы да ескертеді. Міндетті түрде
маска тағып, санитайзерлер қолдану және әлеуметтік қашықтық сақтау керек.

Kino Space аясында «Қыз Жібек», «Менің атым Қожа», «Біздің аяулы дәрігер», «Алпамыс мектепке барады», «Путь Лидера» киноэпопеясы, «Ақсақ құлан», сондай-ақ шетелдік «Джон Уик», «Приключения Питера Пэна», «Астерик и Обеликс» және т.б фильмдер көрсетіледі. Сеанстың басталу уақыты – 21:30, кіру
тегін. Көрсетілімде ерекше қажеттіліктері бар балалар үшін арнайы мүмкіндіктер қарастырылады.

Айта кету керек, «Kino Space» кинотеатрына MEGOGO халықаралық медиа қызметі мен Ш.Айманов атындағы «Қазақфильм» киностудиясы қолдау көрсетті. Шара барлық азаматтарға шетелдік продюсерлердің лицензияланған фильмдерін және қазақ киносының классикасын ашық аспан астында тегін тамашалауға мүмкіндік береді.