"Менің жеке пікірім былай: Олимпиададағы сәтсіздікке тек олимпиада комитеті емес, жалпы спорттың дамуына барлығымыз жауаптымыз. Бізге қазір проблема іздеудің керегі жоқ, бар проблеманы талқылағанбыз. Бізге бірлесе жұмыс істеу керек. Адам Олимпиада чемпионы болып тумайды, біз ондаған жылдар бойы жеңімпаздарды дайындап шығуымыз керек...", – дейді Абаев.
Оның айтуынша, сәтсіздіктерден кейін жаттықтырушылар отставкаға кетуі керек.
Айта кетейік, бірнеше күн бұрын шорт-трекші Абзал Әжғалиев Олимпиадаға дейін спортшылар қандай кедергілерге тап болатыны туралы фейсбук желісінде пост жазған.
Спортшы елдегі талапқа сай келетін жалғыз мұз айдында тұрақты дайындалуға мүмкіндік жоқ, инвентарь алуға қаражат жеткіліксіз және жарақат алған спортшылар өз қаражатына емделеді деген секілді мәселелерді атап өткен болатын.
Тасқын Болатұлы
