Бірінші кредиттік бюро ұсынған соңғы мәліметтерге сүйенсек, 2019 жылдың сәуір айының соңында ҚР қаржы институттары берген бизнес-несиелердің жалпы көлемі – 16,4 трлн теңгені құраған. Бұл өткен жылмен салыстырғанда 1,2%-ға төмен. Бұл көрсеткіш 2018 жылдың сәуір айында 7%-ға өскен болатын.
Бизнес-несиелердің шамамен жартысы – 49,7%-ы шағын кәсіпорындарға тиесілі. Бір жыл бұрын оның деңгейі 59%-ды құраған еді.
Салыстырмалы түрде ірі кәсіпорындарға берілген несие 21,3%-дан 22,2%-ға көтерілген.
Жеке кәсіпкерлерге берілген несиелер 4,3% -ды құрады. 2018 жылдың сәуіріндегі аталмыш несиелер 3,8% еді.
2019 жылдың сәуір айының соңындағы дерекер бойынша, несиелердің басым бөлігін екінші деңгейлі банктер заңды тұлғалар мен жеке кәсіпкерлерге берген. Оның үлесі 91,5%-ды құрады. Бір жыл бұрын мұндай несиелер көрсеткіші 90,1% болатын.
