Қазақстандағы тәртіпсіздіктер барысында бизнеске шамамен 95,3 млрд теңге залал келген, деп хабарлайды inbusiness.kz.
"Атамекен" ҰКП дерегінше, Call-орталыққа барлығы 3 507 қоңырау түскен.
"Оның ішінде тонау бойынша – 1 669, форс-мажор туралы куәлік алу – 138, блок-бекеттерден өту – 2, зардап шеккен кәсіпкерлерді қолдау қоры бойынша – 11, жеке тұлғалардың қоңырауы – 1 671", – деп жазылған хабарламада.
9 өңірде 1 528 бизнес субъектісі зардап шеккен. Олар 1 709 объектіде орналасқан. Оның ішінде Алматыда 1 408 кәсіпкерлік субъектісі зардап шеккен (1 578 объектіде орналасқан).
"Зардап шеккен бизнес субъектілерінің филиалдары: сауда – 1448; қоғамдық тамақтану – 32; қаржы секторы – 37; логистика – 9; БАҚ – 2. Бизнеске залал көлемі шамамен 95,3 млрд теңге болды (Алматы – 93,8 млрд теңге)", - деп жазылған хабарламада.
