Алматы қаласы кәсіпкерлік және инвестициялар басқармасының басшысы Берік Солтанбаев Өңірлік коммуникациялар қызметінің алаңында сөйлеген сөзінде бизнесті қолдау жөніндегі негізгі бағдарлама кәсіпкерлікті дамыту жөніндегі ұлттық жоба болып табылатынын, онда субсидиялау және кепілдік беру сияқты құралдар қарастырылғанын атап айтты.
"Бұл бағдарлама бойынша биыл 105,2 млрд теңге несие сомасына 1 258 жоба қаржыландырылды. Осы құралдар бойынша біздің басқарма тек өңірлік ұйымдастырушы болып табылады, қаражат екінші деңгейдегі банктерге ақшаны одан әрі орналастыру үшін "Даму" кәсіпкерлікті дамыту қоры" арқылы жіберіледі", - деді спикер.
Сондай-ақ, ұлттық жоба аясында "Қарапайым заттар экономикасы" бағдарламасы іске асырылуда. Биыл 12,1 млрд теңге несие сомасына 7 жоба қаржыландырылды (бағдарлама бюджеті 7,9 млрд теңгені құрайды).
"Даму" қорымен бірлесіп "Almaty Business" өңірлік бағдарламасы шеңберінде "Jana Business" жаңа қосалқы өнімі құрылды, онда жеңілдетілген несиелер бойынша ең жоғары мөлшерлеме 7% – дан 6% - ға дейін төмендетілді, кредиттеу сомасы 100 млн теңгеге дейін, мерзімі-7 жыл.
Бағдарламаның тағы бір жаңашылдығы өнеркәсіп парктері субъектілеріне жылдық 6%-бен, 500 млн теңгеге дейін, 7 жылға дейінгі мерзіммен несиелер алу мүмкіндігі қарастырылған.
Сауда операцияларының тиімділігін арттыру мақсатында "JanaBusiness" бағдарламасында жылдық 8,5% мөлшерлеме бойынша факторингтік мәмілелерді қаржыландыру мүмкіндігі бар. Бағдарламаның бюджеті 5,4 млрд теңгені құрайды, бүгінгі таңда 3,8 млрд теңге сомасына 44 жоба қаржыландырылды (оның ішінде 1 млрд теңге факторингтік мәмілелерді қаржыландыруға бағытталған, келісімге сәйкес "Даму "КДҚ" АҚ – 2 млрд теңге қаражат бөлінеді деп күтілуде).
"Алматы Бизнес-2025" өңірлік бағдарламасы аясында 2023 жылдың бірінші жартыжылдығында 88 жоба қаржыландырылды, нәтижесінде 707 жаңа жұмыс орны құрылды.
"Сондай-ақ, 5 млн теңгеге дейін мемлекеттік гранттар беру құралы іске асырылуда. Оған 2023 жылы бюджеттен 545 млн теңге бөлінді. Биылғы 1-11 маусымы аралығында конкурстық іріктеуге өтінімдер қабылданды. 1 827 өтінім келіп түсті, жұмыс үшін 1 156 өтінім қабылданды (516 өтінім қабылданбады, 155 өтінім кері қайтарылды). Бүгінгі таңда Конкурстық комиссия өтінімдерді қарау бойынша жұмыс жүргізуде", - деп жалғастырды Солтанбаев.
Спикердің айтуынша, жеңілдетілген несиелеуге сұраныс жоғары. Осыған байланысты мемлекеттік қолдауды үздіксіздігін қамтамасыз ету үшін несиелеуге және субсидиялауға 8,5 млрд теңге мөлшерінде қосымша қаражат бөлінді.
