Облыстық полиция департаментінің дерегінше, құрылыс компаниясының басшысы Орал қаласының тұрғынынан ірі көлемде ақша алған, деп жазады inbusiness.kz "Мой город" порталына сілтеме жасап.
Келісім бойынша ол қаражатқа таунхаус салынуы тиіс болыпты.
"Құрылыс компаниясының директоры өткен жылдың желтоқсан айынан бастап, қыркүйек айының соңына дейін 53 жасар Орал тұрғынын алдап келген. Ол таунхаус салып беремін деп азаматтан 21 млн теңге алған. Элиталық санаттағы тұрғын үйді де, ақшасын да ала алмаған ер адам полицияға жүгінді", - дейді полиция өкілдері.
Құрылыс компаниясының бастығына қатысты ҚРҚК 190-бабы, "Алаяқтық" дерегі бойынша қылмыстық іс қозғалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
