Батыс Қазақстан облысында ауыл мектебінің директоры көлікті мас күйінде айдағаны үшін 7 жылға жүргізуші куәлігінен айырылды, деп жазады inbusiness.kz сайты.
4 желтоқсанда Құмақсай ауылында әкімдік маңында полицейлер Hyundai Elantra жүргізушісін тоқтатқан. Медициналық тексеріс оның жеңіл деңгейдегі алкогольдік мас күйінде болғанын көрсеткен.
Сотта әйел кінәсін толық мойындап, қымыз ішкенін, оның масайтатынын білмегенін айтқан.
Сот директорды әкімшілік құқық бұзушылық туралы кодекстің 608-бабы бойынша кінәлі деп танып, 7 жыл мерзімге көлік жүргізу құқығынан айырды. Кәмелетке толмаған балалары болғандықтан, оған әкімшілік қамау қолданылған жоқ.
Облыстық білім басқармасы мектеп директорына сөгіс жарияланғанын мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
