Ақжайық ауданы Қарауылтөбе ауылында малдарымен бірге қора жанып кетті, деп хабарлайды ҚазАқпарат.
Аудандық ТЖ бөлімінен түскен мәліметке қарағанда, оқиға 14 маусым күні шамамен сағат 16.50-де орын алды. Үй ауласында гараж, сарай, 4 тонна пішен, сондай-ақ қорада тұрған үш бас баспақ, ешкі және 25 тауық отқа оранды. Өрттің жалпы аумағы 190 шаршы метрді қамтыды.
"Тілсіз жауды" №30 өрт сөндіру бөлімі, ауылдағы ерікті өрт сөндіруші жасағы ауыздықтады. Қазіргі кезде өрттің шығу себебі, келтірілген шығын, кінәлі адамдар анықталуда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
