БҚО мектептерінде жалған дипломмен жұмыс істеп келген мұғалімдер анықталды, деп жазады inbusiness.kz mgorod.kz порталына сілтеме жасап.
Облыстық сыбайлас жемқорлыққа қарсы қызмет басшысы Әділхан Сабыров 49 білім беру ұйымы конкурстық іріктеу өткізбей 130-дан астам адамды жұмысқа қабылдағанын жеткізді.
Бұдан бөлек мамандар Тасқала, Казталов, Шыңғырлау және Бәйтерек ауданынан жалған белгілері бар дипломдарымен жұмыс істеген 11 оқытушыны анықтады. Белгілі болғандай, кейін университеттер тиісті құжаттардың берілгенін растамады.
Ұстаздар жалған құжаттар арқылы біліктілік туралы сертификаттарын алған. Сондай-ақ бұл үшін оларға 13,9 миллион теңгеге қосымша төлемдер де тағайындалған.
Полиция бұл деректер бойынша қылмыстық іс қозғап, кінәлілер айыппұл арқалады.
