Алты "Boeing-737 MAX 8" ұшағының алғашқысы 2018 жылдың наурыз айында АҚШ-тан Қазақстанға жеткізілетін болады, бұл Қазақстан Республикасының президенті Нұрсұлтан Назарбаевтың АҚШ-қа ресми сапары барысында келісілген, деп хабарлайды strategy2050.kz.
Сапар барысында екі елдің көшбасшысы 7,1 мың тікелей және жанама жұмыс орындарын ашатын "Boeing" пен Қазақстан авиакомпанияларының арасындағы 1,3 млрд АҚШ долларын құрайтын келісімді қолдады.
Осылайша, SCAT әуе компаниясы алты Boeing-737 MAX 8 әуе кемесіне тапсырыс бергенін атап өту керек.
"2018 жылдың наурыз айында алғашқы ұшақтардың жоспарлы жеткізілуін ескере отырып, бұл әуе кемелері Қазақстан мен Орталық Азиядағы 737 MAX маркалы модель болып, аймақтық және халықаралық SCAT желісін кеңейтеді", – деп атап өтті тараптар.
Сонымен қатар, Ақорданың баспасөз қызметінен хабарлағандай, "Эйр Астана" әуекомпаниясы қазіргі келісімшарт талаптарына сәйкес 2021 жылы жоспарланған жеткізіліммен үш 787 Dreamliner ұшағын сатып алу туралы өз міндеттемелерін растады.
Естеріңізге сала кетейік, Қазақстан мен АҚШ басшыларының келіссөздерінен кейін Ақ үйде бірқатар коммерциялық келісімшарттар мен құжаттарға қол қойылды.
