Италияда өтіп жатқан бокстан Олимпиадаға іріктеу турнирінде қазақстандық Махмұд Сабырхан алғашқы жекпе-жегін өткізді, деп хабарлайды inbusiness.kz сайты.
57 келіге дейінгі салмақта сынға түсетін Сабырхан бірінші айналымда эфиопиялық Лета Фикремариам Ядесамен жұдырықтасты.
Бұл жекпе-жекте Сабырхан айтарлықтай қиындықсыз жеңіске жетті. Келесі айналымда ол таиландтық Саравут Суктхетпен қолғап түйістіреді.
Айта кетейік, Сабырхан 22 жасқа дейінгі боксшылар арасындағы Азия чемпионатының финалында тап осы Саравутты жеңген болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
