/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Конфедерация кубогы Түркістан боксшыларына бұйырды

Конфедерация кубогы Түркістан боксшыларына бұйырды

Бокстан Конфедерация кубогы 2010 жылдан бері тұрақты түрде өткізіліп келеді.  

08 Желтоқсан 2019 14:17 494

Конфедерация кубогы Түркістан боксшыларына бұйырды

Бокстан Конфедерация кубогы биыл Түркістан облысы құрамасына бұйырды, деп хабарлайды ҚазАқпарат.

Финалда Түркістан облысы мен Нұр-Сұлтан қаласының былғары қолғап шеберлері кездесті. Кеше, 7 желтоқсанда өткен жартылай финалда түркістандықтар қарағандылықтарды, Нұр-Сұлтан қаласы маңғыстаулықтарды 5:3 есебімен тізе бүктірген болатын.

Бүгінгі жекпе-жек өте тартысты өтті. Алдымен 52 келіде түркістандық Сәкен Бибосынов елордалық Азат Махметовті, түркістандық Қайрат Ерәлиев елордалық Ілияс Сүлейменовті тізе бүктірді. Одан кейінгі үш жекпе-жекте елордалық былғары қолғап шеберлерінің мерей үстем болды.

Алдымен 63 келіде Самат Бегімбай Шыныбек Назарбековті, 69 келіде Қанағат Маралов Бекдәулет Ибрагимовті, 75 келіде Тимур Нұрсейітов Бекхат Сабырды жеңді. Ал 91 келіден жоғары салмақта түркістандық Нұрлан Сапарбай елордалық Нұрболат Сермахановтан басымдық танытып, командалық есепте таразы басын теңестірді. Одан кейін түркістандықтар қатарынан 81 келіде Бек Нұрмағанбет Нұрбек Оралбайды, 91 келіде Абзал Құттыбеков Айбек Оралбайды жеңді. Нәтижесінде Түркістан облысының құрамасы қарсыласынан 5:3 есебімен басым түсіп, өз тарихында үшінші мәрте кубокқа қол жеткізді. Олар бұдан бұрын 2015, 2017 жылдарда аталмыш жарыста жеңімпаз атанған болатын.

Елбасы Түркістандағы қолөнершілер жәрмеңкесін тамашалады

Республика деңгейінде алғаш рет ұйымдастырылған шараға елімізбен қатар алыс-жақын шетелден қолөнершілер қатысуда.    

04 Қараша 2019 20:36 421

Елбасы Түркістандағы қолөнершілер жәрмеңкесін тамашалады

Түркістанға жұмыс сапарымен келген Қазақстан Республикасының Тұңғыш Президенті – Елбасы Нұрсұлтан Назарбаев «Craftsman-2019» халықаралық қолөнершілер жәрмеңкесін тамашалады, деп хабарлайды ҚазАқпарат.

Елбасы жәрмеңкеге қойылған бұйымдарды аралап көріп, қолөнершілердің еңбегіне дән риза болды.

Айта кетейік, бұған дейін хабарлағанымыздай, халықаралық деңгейде ұйымдастырылған шараға Иран, Үндістан, Ресей Федерациясы, Ауғанстан, Өзбекстан, Түркия, Қырғыз Республикасы, Әзербайжан, Тәжікстан, Башқұртстан, Якутия елдерінен 200-ге жуық қолөнерші қатысуда. Ауқымды шараға сонымен бірге ҚР «Қолөнершілер бірлестігі», Нұр-Сұлтан қаласынан «Қадам» өнер орталығы, «Дешті Арт» бірлестігі, «Әзірбайжан Республикасы Президенті жанындағы Азаматтарға қызмет көрсету және әлеуметтік инновация мемлекеттік агенттігі жанындағы ABAD» қоғамдық құқықтық заңды тұлғасы мен Қырғызстан Республикасының «Алаш» қолөнершілер бірлестігі де арнайы шақырылған.

Халықаралық жәрмеңкенің мақсаты - ұлттық қолөнерді дамыту арқылы Ұлы Жібек жолы бойындағы Түркістан қаласын әлемдік деңгейдегі ірі ұлттық қолөнер орталығына айналдыру мен этникалық туризмді өркендету.

Іс-шара аясында алаша тоқудан, керамика, тері, темір және шыныдан қолөнер бұйымдарын жасау бойынша шеберлік сабақтары мен қазақтың ұлттық киімдерінің көрсетілімі болды.

 

 

Түркістанда салынатын 175 ғимараттың 102-сі биыл іске қосылады – Елбасы

Түркістан жұртшылығымен кездескен Елбасы Нұрсұлтан Назарбаев киелі шаһарда құрылыс қарқын алып, болашақта туристер жиі келетін іргелі қалаға айналатынын атап өтті.  

04 Қараша 2019 20:04 544

Түркістанда салынатын 175 ғимараттың 102-сі биыл іске қосылады – Елбасы

Қазақстан Респуликасының Тұңғыш Президенті қала өсіп-өркендеген сайын жергілікті халықтың да жағдайы жақсаратынын жеткізді, деп хабарлайды ҚазАқпарат.

«Қазақстан халқы үшін Түркістанның орны ерекше. Мұнда бірнеше қабатты 175 ғимарат салу жоспарланған. Соның 102-сі биыл іске қосылады. Жұмыстың қандай қарқынмен атқарылып жатқанын көріп отырсыздар. Бұл үшін мен осы жерде барлық облыстардың басын қостым. Қолынан іс келетін азаматтар өз шаруасын дөңгелетіп әкетіп жатыр. Болашақта әдемі қала болады, халық саны өседі. Қазір қала тұрғындарының саны 170 мың болса, меніңше аз уақыттың ішінде жарты миллионға жетеді. Кейін одан сайын көбейеді деп ойлаймын. Бұл жерде саябақ та, жол да – бәрі болады», – деді Нұрсұлтан Назарбаев.

Елбасы сонымен қатар, жаңадан құрылған облыс орталығының әлеуметтік-экономикалық жағдайы да жақсарып, жұмыс орындары көптеп ашылатынын сөз етті. «Түркістанның орналасқан жері – тоғыз жолдың торабы. Қытайдан біз арқылы Европаға өтетін дәліз бар. Темір жол бар, барлығы бар. Сондықтан тәуелсіз Қазақстанымызда тағы бір керемет орталық, тарихи қала бой көтеріп отыр. Бұл – бәріміздің қуанышымыз. Ендігі жылы көп ғимараттар іске қосылып, жаңа ғимараттар салынып, осы жерде тағы кездесеміз», – деді Елбасы.

Нұрсұлтан Назарбаев Түркістанның алдағы уақытта тарихи, мәдени орталыққа айналатынына сенім білдірді.

«Кесенені жөндеуден өткіздік, өздеріңіз білесіздер. Қожа Ахмет Ясауи атындағы университет ашылды. Көп шаруалар өз ретімен жасалып жатыр. Мұның барлығының соңғы міндеті – облыс орталығын салу еді. Оған да, мінекей, куә болып отырмыз. Сондықтан баршаңызды осындай бастамамен құттықтаймын. Түркістан үлкен қалаға айналып, жан-жақтан туристер келетін болады. Биылдың өзінде бір миллионнан астам турист келіпті. Ал, мына ғимараттар салынғаннан кейін тарихи, мәдени орталық қалыптасып, туристер көптеп келетін болады. Демек, түркістандықтар жұмыссыз қалмайды. Мына салынып жатқан ғимараттарда, қонақүйлерде қаншама түркістандықтар жұмыс істейтін болады. Барлығы осы шаһардан нәпақасын тауып, халықтың әл-ауқаты жақсарады. Қазақстанымыз жасай берсін, Түркістан жасай берсін», – деді Нұрсұлтан Назарбаев.