“Оның ішінде 78 адам әлемнің үздік жоғары оқу орындарының магистратурасына, 6 адам докторантурасына түсті. 110 стипендиат "Тағылымдама" бағдарламасы бойынша біліктілігін арттырады”, - деп жазылған “Халықаралық бағдарламалар орталығы” АҚ сайтында.
"Болашақ" стипендиясының иегерлері әлемнің 20 мемлекетінде академиялық білім алып, тағылымдамадан өтеді. 93 адам АҚШ-тың, 47 адам Ұлыбританияның және т.б. елдердің жоғары оқу орындарында білім алады.
“Биыл Мемлекет басшысының тапсырмасы аясында "Болашақ" бағдарламасын қайта бағдарлау процесі іске қосылды. Басымдық инженерлік-техникалық кадрларды даярлауға беріледі. 2022 жылы стипендиаттардың басым көпшілігі инженерлік-техникалық бағыттар бойынша шетелде дайындықтан өтеді”, - деп жазылған хабарламада.
Стипендия иегерлерінің тізімі Халықаралық бағдарламалар орталығының сайтында жарияланды.
