Болгарияда Prince&Princess of the World халықаралық сұлулық фестивалі өтті. Оған әлемнің 15 елінен 55 жасөспірім қатысты. Қазақстан атынан байқауға ақтаулық Аянат Дәулеталина қатысты. Ол байқаудың гран-приін ұтып алды, деп хабарлады Лада.kz порталына сілтеме жасай отырып ҚазАқпарат.
Prince&Princess of the World фестивалі биыл Болгарияда алтыншы рет ұйымдастырылды. "Біз фестивальға ұзақ дайындалдық, әрине, күллі елдің атынан шыққан соң қатты қобалжыдық. Кей елдерден бірнеше қатысушы келгеніне қарамастан, біз лайықты өнер көрсетіп, елімізге гран-приді алып келдік. Өте қуаныштымыз, - деді Di school модельдер мектебінің жетекшісі Диляра Турина.
Айта кетейік, 7 күнге созылған сән байқауында жас моделдер түрлі сынақтардан өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
