DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Борис Джонсон интенсивті терапия бөлімінен шықты

Борис Джонсон интенсивті терапия бөлімінен шықты

Британия карантин режимін созуы мүмкін.

10 Сәуір 2020 16:28 139

Борис Джонсон интенсивті терапия бөлімінен шықты

Коронавирус жұқтырған Британия премьер-министрі Борис Джонсон интенсивті ауруханадағы терапия бөлімінен қарапайым бөлмеге ауысты. Ол бұл жұқпалы ауруға наурыз айында шалдыққан болатын. Джонсонның қызметін қазір уақытша атқарып жүрген Сыртқы істер министрі Доминик Рааб карантин мерзімі ұзаруы мүмкін екенін айтты. Бірақ бұған қатысты ресми мәлімдеме келесі аптада жасалады. Соңғы дерек бойынша,бұл елде аурудан қаза тапқандардың саны 8 мыңға таяп қалған. Мамандар осы аптаның соңында жұқтыру фактілері көбейеді деп отыр.

Ал Испанияның аумақтық саясат министрі Каролина Дариас коронавирус инфекциясынан жазылып шықты. Бұл туралы ол өзінің Twitter-дегі парақшасында мәлім етті. Оның ауруға шалдыққаны 12 наурызда мәлім болған еді. Дариастан бөлек елдің тағы бір министрі Ирена Монтеро да вирусты жұқтырған болатын. Ол қазір ауруханада тиісті ем қабылдап жатыр. Ресми дерек бойынша, Испаниядағы аурулардың саны 150 мыңға жетіп, оның 15 мыңы қайтыс болған. Соңғы күндері пандемияның таралуы сәл бәсеңдеген.

Табиғат Нұрболат

inbusiness.kz-ті қараңыз, оқыңыз :

Шектеу шараларын қысқарту өте қауіпті – Борис Джонсон

Британия премьері 27 сәуірде ресми түрде жұмысына кірісті.

27 Сәуір 2020 16:44 133

Шектеу шараларын қысқарту өте қауіпті – Борис Джонсон

Коронавирус инфекциясынан жазылған Британия премьер-министрі Борис Джонсон 27 сәуірде жұмысына оралып, шектеу шараларын қысқартуға әлі ерте екенін айтты. Бұл туралы Reuters агенттігі хабарлады. Үкімет басшысы тәуекелге бел буып, карантиннің күшін жойғысы келмейтінін білдірді. Оның сөзінше, пандемиямен күрес әзірге аяқталған жоқ. Дегенмен қазір Италия, Испания және Франция елдері біртіндеп шектеулерді қысқартып жатыр.

Еске сала кетейік, премьердің вирусты жұқтырғаны 27 наурызда белгілі болған еді. 10 күн өткеннен кейін ғана  ауруханаға жатқызылып, ем қабылдай бастады. Содан кейін, 13 сәуірде ол ауруханадан шығарылды.

Соңғы ресми мәлімет бойынша, Британиядағы науқастардың саны 124 мыңға жеткен. Оның 16 мыңнан астамы қайтыс болды. Ал әлемде вирус жұқтырғандардың саны 3 миллионға жуықтап, 206 мыңы дерттен көз жұмды.

Табиғат Нұрболат

Коронавирус жұқтырған Борис Джонсонның жағдайы жақсарды

Ол қашықтықтан жұмыс істеуін тоқтатқан.

09 Сәуір 2020 18:02 165

Коронавирус жұқтырған Борис Джонсонның жағдайы жақсарды

Коронавирус жұқтырған Британия премьер-министрі Борис Джонсонның беті бері қарады. Бұл туралы Reuters агенттігі хабарлады.Бірақ ол әлі де интенсивті терапия бөлімінде тиісті ем-дом қабылдап жатыр. Ол ауруға шалдықса да, мемлекет істерін онлайн түрде жүргізген болатын. Дегенмен соңғы күндері ол қызметін атқаруды уақытша тоқтатып тастады.

Елдің мәдениет министрі Оливер Дауден: «Үкімет басшысының денсаулығы жақсарып келеді. Ол қазір мамандардың жіті бақылауында», – деді. 

Бүгінгі таңда экономика көрсеткіші бойынша бесінші орындағы бұл ел Екінші дүниежүзілік соғысынан бергі ең қиын экономикалық жағдайды бастан кешіруде: салық қысқарып, шығындар көбейіп кеткен. Осы орайда қазір жергілікті үкімет екі мәселені талқылап жатыр. Біріншісі  - пандемиядан зардап шеккен экономиканы қолдау мақсатында қабылданатын шаралар жай-жапсары. Екіншісі – оқшаулану шарасының қашан аяқталатынын белгілеу. 

Джонс Хопкинс Университетінің соңғы мәліметі бойынша, елдегі науқастардың саны 61 мыңнан асып, оның 7 мыңы қаза тапқан. Жергілікті мамандар індет әлі де өршіп, осы аптаның соңында вирус құрбандарының саны күрт өсуі мүмкін деп топшылап отыр. 

Табиғат Нұрболат
 

Жаңалықтарға жазылу: