Борис Джонсон Ұлыбритания премьер-министрі және консервативті партияның жетекшісі қызметінен кету туралы шешім қабылдағанын мәлімдеді, деп хабарлайды inbusiness.kz.
"Консервативті партияның жаңа көшбасшысын таңдау процесі басталуы керек", – деді ол.
Бірақ ол жаңа премьер таңдалғанға дейін партия мен үкімет басшысының міндеттерін орындайтынын айтты.
Бұған дейін Ұлыбритания үкіметіндегі 30-дан астам шенеунік Премьер-Министр Борис Джонсонға деген сенімін жоғалтуына байланысты қызметінен кетті. Отставкаға кеткендердің қатарында министрлер де, депутаттар да бар. Олар Джонсонға хат жазып, оның премьерліктен бас тартуын талап еткен болатын.
Борис Джонсон Ұлыбританияның премьер-министрі болып 2019 жылғы 24 шілдеде тағайындалды. Ол елді 2019 жылдың 31 қазанында ЕО-дан шығарып, тіпті қажет болса одақпен байланысты үзуге дейін баратынын жариялаған еді.
Табиғат Нұрболат
