Сирия жағалауында ресейлік Ил-20 ұшағы атып түсірілді. Бұл туралы Ресей Федерациясының қорғаныс министрлігі хабарлады, деп жазады 24.kz.
Апаттың орын алуына Латакия өңіріндегі израильдік әскерилердің әрекеттері себеп болған көрінеді.
Ресейлік тараптың мәліметінше, ұшақ 5 шақырым биіктіктен қонуға әзірленген екен. Оқиға салдарынан бортта болған 15 әскери қызметкер ажал құшты.
Израильдің бұл әрекетіне Ресей қорғаныс министрлігі тиісті жауап береміз деп отыр.
Айта кетейік, Ил-20 экипажымен байланыс кеше Ресей уақытымен түнгі он бірлер шамасында жоғалған. Ұшақ ол кезде Сирия жағалауынан 35 шақырым жерде болған екен. Қазір ұшақ қалдықтарын іздестіру жұмыстары жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
