Бұл туралы жексенбіде Түркия Көлік министрлігі Twitter-де хабарлады, деп жазады Inbusiness.kz.
"Түркияның аумағындағы суларда тұрған Ресей Федерациясының жалғыз мұнай танкері оның сақтандырылуын растайтын құжатты көрсетті, сондықтан кеме ертең Босфор бұғазына кіреді. Бұғаздар арқылы өтуді күтіп тұрған басқа ресейлік танкерлер жоқ", - делінген хабарламада.
Ведомствоның мәліметінше, шамамен 475 мың тонна мұнай тасымалдайтын төрт шетелдік танкер 12 желтоқсанда сақтандыру туралы қажетті құжаттарды ұсынғаннан кейін Босфорға Қара теңізден кіре алады.
"Төрт танкер тиісті құжаттарды ұсынды, енді олар дүйсенбіде ары қарай өтулері тиіс", - делінген хабарламада.
1 желтоқсаннан бастап Түркия бұғаздар арқылы өту үшін шикі мұнай танкерлеріне қосымша сақтандыру талаптарын енгізілді. Соңғы мәліметтер бойынша, 24 кеменің 8-і жаңа талаптарды орындап, Қара теңізден Босфор арқылы өтуді аяқтады.
"12 танкер әлі қажетті құжаттарды ұсынбаған. Мәрмәр теңізінде төрт танкер құжаттарын көрсетіп, Эгей теңізіне шықты. Қазіргі уақытта онда жаңа талаптарды орындамаған бір танкер қалды", - делінген хабарламада.
