Бразилия Жоғарғы соты X әлеуметтік платформасы бойынша Илон Маскқа қарсы тергеу бастады, деп хабарлайды inbusiness.kz сайты DW агенттігіне сілтеме жасап.
"X бұғатталған профильдерді қайта активтендіру арқылы Жоғарғы сот шығарған сот бұйрықтарын елемеуін тоқтатуы керек", - делінген сот мәлімдемесінде.
Маск судья Александр де Мораэстің шешіміне апелляциялық шағым түсіріп, оның конституцияға қайшы екенін айтты.
Ал, Мораэс сот шешімімен X платформасын дезинформация таратқан бірқатар аккаунттарды бұғаттауға мәжбүр етті.
"Әлеуметтік желі ережесіз аймақ емес. Біз шетелде тұратын миллиардерлердің әлеуметтік желілерді бақылауына және сот шешімдерін елемей, біздің бөлімшелерімізге қауіп төндіру арқылы заң жүйесін аяқасты етуге дайын тұруына жол бере алмаймыз" деп жазды Мораэс өз шешімінде.
Өз кезегінде Илон Маск судья Мораэсті Бразилия халқының еркі мен заңдарын бұзатын "агрессивті цензура" үшін айыптады.
Айта кетейік, X платформасы сот шешімін елемейтін болса, конвертация үшін күніне 18 000 еуро айыппұл төлейді.
