Бразилиядағы зообақта арыстан вольеріне кіріп кеткен 19 жастағы жігітті талап өлтірді, деп хабарлайды inbusiness.kz сайты ресейлік БАҚ-қа сілтеме жасап.
Оқиға Жуан-Песоа қаласында болған. Жас жігіт биіктігі алты метрден асатын қабырғадан өтіп, ағашты пайдаланып жыртқыш отырған аумаққа кіріп кеткен. Арыстан жігіт отырған ағашқа жақындап, оның төменге түскенін күтіп тұрған. Алдын ала дерекке сәйкес, қаза тапқан жігіттің психикалық ауытқулары бар.
Оқиға зообақтың жұмыс уақытында болған. Қайғылы жағдай кезінде оның аумағында басқа келушілер де жүрген. Әкімшілік шабуылдан кейін паркті уақытша жабуға мәжбүр болды. Қазіргі таңда оқиғаның мән-жайын анықталып жатыр. Тергеу басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
