Бразилияда аптап ыстыққа байланысты қауіптің қызыл деңгейі жарияланды. Термометр бағаны бес күннен астам орташа температурадан 5°C-қа жоғары болуы мүмкін, ол адам денсаулығы үшін аса қауіпті, деп хабарлайды inbusiness.kz сайты BBC-ге сілтеме жасап.
Рио-де-Жанейро мен оған жақын маңдағы аудандарда рекорд орнап, термометр бағаны 52,5°C-қа дейін көтерілді.
Жұмаға дейін созылатын аптап ыстықтан жүз миллионнан астам адам зардап шегіп отыр.
Мұндай ыстыққа Эль-Ниньо табиғи феномені мен климаттың өзгеруі себеп болған.
Ұлттық метеорология институтының (Inmet) дерегінше, сейсенбі күндіз Сан-Паулу қаласында 37,3°C орташа ауа температурасы тіркелді.
Ғалымдардың пікірінше, парниктік газ қалдықтары салдарынан климат өзгергендіктен, енді аптап ыстық қарқынды болады әрі жиі кездеседі.
