Эталон сұрыпты Brent мұнайының бағасы 5%-ға түсті, деп хабарлайды inbusiness.kz Лондондағы ICE биржасының дерегіне сілтеме жасап.
Ресми дерек бойынша, Brent баррелінің құны 5,25%-ға арзандап, 101,29 доллар болды. WTI фьючерстерінің бағасы 4,78%-ға төмендеп, бір баррелі қазір 101,79 долларға саудаланып жатыр.
Мұндай динамикаға Ресей мен Украина арасындағы келіссөздердің 15 наурызда жалғасатыны туралы ақпарат әсер етті.
"Ресей мен Украина келіссөздерінің жалғасуы жаһандық нарықтағы жағдайдың жақсаруына түрткі болып отыр", - деді Fujitomi Securities Co Ltd. сарапшысы Тоситака Тазава.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
