Brent сұрыпты мұнайдың бағасы 2018 жылдың 11 қазанынан бері алғаш рет 82 доллардан асты, деп хабарлайды Inbusiness.kz.
Сауда дерегіне сүйенсек, Brent сұрыпты мұнайдың желтоқсандағы фьючерстерінің құны 0,94%-ға қымбаттап, 82,02 доллар болды. WTI-тің қарашадағы фьючерстерінің бағасы 0,77% - ға өсіп, бір баррелі қазір 78,23 долларға саудаланып жатыр.
Ескере кететін, жайт ОПЕК + келісімі аясында Қазақстан ай сайын бір күнде өндірілетін мұнай көлемін 16 мың баррельге арттыратын болды. Мұндай шешім альянс елдерінің министрлік отырысында қабылданды. Сонымен қатар ОПЕК+ келісіміне қатысушылар шектеуді алып тастағанға дейін жалпы өндірісті ай сайын тәулігіне 400 мың баррельге арттыруға уағдаласты.
"ОПЕК + аясында Қазақстанның қазандағы квотасы – тәулігіне 1,524 млн.баррель. Бір тәулікте өндірілетін мұнай көлемі 16 мың баррельге артады", – деп хабарлады Энергетика министрлігі. Ведомство қараша айындағы квота тәулігіне 1,540 млн. баррель болатынын жариялады.
Табиғат Нұрболат
