Ида дауылына байланысты АҚШ-тағы өндірістің қысқаруы мүмкін деген болжамдар жарияланғаннан кейін, мұнай бағасы өсуде, деп хабарлайды Inbusiness.kz Reuters агенттігіне сілтеме жасап.
Ресми дерек бойынша, Brent сұрыпты мұнайдың фьючерстері 1,14%-ға қымбаттап, бағасы 73,75 доллар болды. WTI бағасы 1,25%-ға өсіп, бір баррелі 70,59 долларға саудаланып жатыр.
Өткен аптада Америка Құрама Штаттарында жұмыс істеп тұрған бұрғылау қондырғыларының саны артты. Осыған байланысты алдағы апталарда тау-кен өндірісі артуы мүмкін. АҚШ-тың энергетикалық ақпарат басқармасы Brent бағасы 2021 жылдың соңына дейін шамамен қазіргі деңгейде қалады және төртінші тоқсанда баррелі орташа есеппен 71 долларға саудаланады деген болжамын жариялады.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
