Қара алтынның бағасы өсе бастады. Бүгін Лондон биржасында Brent маркалы өнім фьючерсі 18 пайызға жуық көтеріліп, баррелі 31 долларға жетті, деп хабарлайды Atameken Business.
Мұндай көрсеткіш соңғы рет сәуірдің 14-інде болған еді. Оған Еуропа елдерінің біртіндеп карантинді жұмсартып, санитарлық шектеулерді азайтуы жағымды ықпал еткен. Қытай да өндірісін жандандырып, сұранысты арттыра бастады. АҚШ қордың көлемін көбейтуге мән беріп жатыр.
WTI-дің шілде айындағы фьючерсі де 19.5 пайызға өсіп, баррелі 24 доллар 64 центке дейін көтерілді. Американың мұнай институтының мәліметіне сүйенсек, күн сайын 8 млн баррельден артық өнім қоймаға құйылып жатыр. Осыны ескерген сарапшылар баға алдағы уақытта тағы 5-10 долларға өсетінін айтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
