Сауда қорытындысы бойынша, эталон маркалы Brent сұрыпты мұнай баррелінің құны 1,68%-ға қымбаттап, 45,07 доллар болды. Бұл 9 наурыздан бергі ең жоғарғы көрсеткіш.Ол кезде 45,46 долларға дейін көтерілген еді. Содан кейін нарықты құбылмалылық орнап, динамика өзгерді. WTI маркалы мұнайдың бағасы 0,93%-ға өсіп, 42,09 долларға дейін жетті.
Карантиндің шаралардың қысқартылуына байланысты шикізатқа деген сұраныс артып жатыр. Сонымен қатар бұған әсер еткен тағы бір фактор бар. АҚШ-тың мұнай институтының дерегінше, елдегі мұнай қоры азайған. Соңғы аптада оның көлемі 8,6 миллион баррельге қысқарып, 520 миллион баррель болды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
