Лондондағы ICE Futures биржасында сәрсенбі күні, 8:05 -тегі жағдай бойынша, Brent маркалы мұнайдың маусым фьючерстерінің бағасы барреліне 84,6 доллар болды. Бұл алдыңғы сессияның жабылуындағы бағадан $0,17 (0,20%) төмен. Сейсенбіде бұл келісімшарттар барреліне 0,01 долларға өсіп, 84,77 долларға жеткен болатын.
Нью-Йорк тауар биржасында (NYMEX) электронды саудада мамыр айындағы WTI мұнай фьючерстерінің бағасы $0,16 (0,2%) төмендеп, барреліне $80,7 құрады. Алдыңғы сессияның нәтижесінде келісімшарттардың құны барреліне $0,03-ке өсіп, $80,86 болды.
Сейсенбіден сәрсенбіге қараған түні жарияланған Америка мұнай институтының (API) мәліметтері өткен аптада АҚШ-тағы мұнай қорының 2,675 миллион баррельге азайғанын көрсетті.
Ресми мәліметтерді АҚШ Энергетика министрлігі сәрсенбі күні Мәскеу уақытымен 17:30-да жариялайды. Сарапшылар орта есеппен АҚШ-тағы мұнай қоры өткен аптада 1,088 миллион баррельге азайды деп болжады, деп хабарлайды Trading Economics.
