Bloomberg агенттігінің дерегі бойынша, Лондондағы ICE Futures биржасында 2019 жылдың қарашасындағы жеткізіліммен Brent сұрыпты мұнай фьючерсі 0,3 пайызға арзандап, баррелі 58,70 доллар болды.
Ал Лондон және Нью-Йорк биржаларында қазандағы жеткізіліммен, электрондық сауда барысында WTI маркалы жеңіл мұнай фьючерстері 0,2 пайызға төмендеп, барреліне 53,72 долларды құрады.
Қазіргі мұнай бағасы Сауд Арабиясы нысандарына жасалған шабуылға дейінгі көрсеткіштерден төмендеп кеткен.
Естеріңізге сала кетейік, 14 қыркүйекте дрондар саудиялық Saudi Aramco компаниясының нысандарына шабуыл жасаған еді. Шабуылды Йемендегі көтерілісші хуситтер мойнына алғанымен, Вашингтон мен Эр-Рияд қастандықты ұйымдастырған Иран билігі дегенді алға тартып келеді.
Табиғат Нұрболат
