Осы уақыт ішінде оның рейтингі күрт төмендеді, деп хабаралайды inbusiness.kz Euronews-ке сілтеме жасап.
YouGov аналитикалық компаниясы жүргізген сауалнамаға сәйкес, СІМ-нің бұрынғы басшысын британдықтардың тек 14%-ы ғана қолдайды – бұл көрсеткіш, тіпті, Борис Джонсонның рейтингінен кем түсті.
Оның үкіметі ұсынған ең ауқатты британдықтар үшін табыс салығының мөлшерлемесін 45-тен 40%-ға дейін төмендетуді көздейтін салық реформасын тіпті консерваторлар да қолдамады және оның салдарынан фунт стерлинг рекордтық деңгейге дейін төмендеді.
"Осы қиын кезеңдерде біз жедел әрекет етуіміз керек. Мен Ұлыбританияны аласапыраннан аман-есен алып шығып, бізді ұлт ретінде нығайтуға бел будым. Бұл миссияда маған британдықтарға деген берік сенімім көмектеседі", – деді Лиз Трасс.
Лиз Трасс Бирмингемдегі консервативті партия конференциясында сөйлеген сөзінде экономикалық саясат тақырыбын қозғамауға тырысты, алайда үкімет басшысының дегені болмады. Премьердің сөзін Гринпистің белсенділері тоқтатты – Лиз Трасстың климаттың өзгеруіне қарсы бірқатар шараларды тоқтатуына байланысты.
Ұлыбритания үкіметі басшысының назарын талап ететін басты мәселелердің бірі – инфляция мен өмір сүру құнының өсуі. Сенбіде Корольдікте соңғы онжылдықтардағы теміржолшылардың ең үлкен ереуілі басталды.
