Британиядағы мектептердің бірінде оқушыларға коронавирус туралы әзілдесуге тыйым салынды. Бұл туралы жергілікті ақпарат құралдары хабарлады.
Гастингстегі Арк Александр академиясында оқитындар қалжың ретінде басқа біреуге қарап жөтелсе, сабақтан шығарылады. Сонымен қатар коронавирусқа қатысты дөрекі, орынсыз әзіл айтқандар да уақытша оқуын тоқтатады. Тіпті кей жағдайда оқудан да шығарылуы мүмкін.
Дерби қаласындағы мектепте әр сыныпқа жеке дәретхана бекітілген. Ереже бұзғандар жазаға тартылады.
Соңғы мәлімет бойынша, Британияда вирус жұқтырғандардың саны 330 мыңнан асып, оның 41 мыңы қаза тапқан. Пандемия басталғалы елде дертті анықтайтын 16 миллион тест жүргізілген.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
