Қарағанды облысы Қарқаралы ауданына қарасты Мәди ауылдық округінде ірі қара малдан бруцеллез ауруы анықталды, деп жазады inbusiness.kz.
"Қарқаралы ауданы, Мәди ауылдық округінің аумағында ауыл шаруашылығы жануарларының арасынан бруцеллез ауруы анықталуына байланысты шектеу іс-шаралары белгіленсін", - делінген ауылдық округ әкімінің шешімінде.
Құжатқа қоса берілген ұсыныс хатқа сәйкес, ірі қарадан бруцеллезді анықтау мақсатында алынған 15 сынаманың үшеуі оң нәтиже көрсеткен. Бұдан бөлек Мәди ауылдық округінде өткен жылдарда ауыл шаруашылығы жануарларының аса қауіпті аурулары тіркелмегендігі айтылады.
Шешім 12 шілдеден бастап күшіне енеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
