Қазақстан үшін бүгін тарихи күн. Көптен күткен "ЭКСПО-2017" көрмесі ашылады. Салтанатты шара кешкі сағат 8 де Конгресс-Орталығында өтеді. Оған 17 мемлекеттің басшылары мен 100-ден астам үкімет мүшелері және министрлер қатысады деп күтілуде. Ресми шарадан кейін, көрермендер амфитеатрдағы концерттік бағдарламаны тамашалайды. Сондай-ақ, Елорда тұрғындары мен қонақтары Сферадағы проекциялық лазерлі шоуды және таңғажайып отшашуды көре алады.Тарихи сәтті барлық республикалық телеарналардан тікелей эфир арқылы тамашалауға мүмкіндік бар. Айта кетейік, "Болашақ энергиясы" тақырыбындағы ЭКСПО-2017 көрмесі Астанада 10 маусым мен 10 қыркүйек аралығында өтеді. Әлемдік деңгейдегі шараға 2 жарым млн-нан астам адам келеді деп күтілуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
