Ақтөбе қаласының оқушылары дүйсенбі күні онлайн оқу форматына көшірілді, деп жазады inbusiness.kz сайты.
"25 желтоқсанда күн райының қолайсыздығына байланысты бірінші ауысымның 0-11 сынып оқушылары қашықтан оқыту форматына ауыстырылады", - делінген Ақтөбе қаласының білім бөлімі таратқан мәліметте.
Синоптиктердің болжамына сүйенсек, ертең Ақтөбе облысының оңтүстігінде, солтүстігі мен орталығында тұман, көктайғақ күтіледі. Түнде облыстың солтүстігінде жаяу бұрқасын болады. Желдің жылдамдығы 15-20 м/с құрайды.
Ал Ақтөбе қаласында көктайғақ болжанады. Оңтүстік-батыстан, батыстан жел соғады, түнде екпіні секундына 15 метрді құрайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
