Бұл жылдың ең қысқа күні болады, деп жазады inbusiness.kz "Казинформ" агенттігіне сілтеме жасап.
Бүгін Күн өз эклиптикасының ең төменгі (Оңтүстік) (Солтүстік жарты шар үшін) нүктесінде болады және күндізгі жарықтың ұзақтығы ең аз болады. Күн бірнеше күн бойы осы биіктікті сақтайды, осыдан күн тоқырауы деген атау шыққан.
Мысалы, бүгін Астанада күн 09:15-те шықты, ал 17:08-де батады. Күннің ұзақтығы 7 сағат 53 минутты құрайды. Ертең 22 желтоқсанда күн ұзақтығы өзгеріссіз қалады, ал 23 желтоқсанда күндізгі жарық 1 минутқа артады. 31 желтоқсанда күндізгі жарықтың ұзақтығы 7 сағат 58 минутты құрайтын болады.
Қысқы күн тоқырауы жылдың ең қысқа күні және ең ұзақ түні болып есептеледі. Осыған қатысты көптеген халықтарда түрлі рәсімдер бар. Соның бірі – үйді қоқыстардан, ал сананы негатив ойлардан тазарту.
