Букмекерлік кеңселердің интернет арқылы жастарды тартуы Әділет министрлігінің мамандарын алаңдатып отыр. Нұр-Сұлтан қаласының Әділет департаментінің басшысы Алан Тіленшиев аталмыш мәселені ведомствоның алқа мәжілісінде көтерді.
"Балаларымыз интернет арқылы букмекерлік агенттіктердің жарнамасын күн сайын көріп жүр. Өкінішке қарай, жастардың букмекерлік агенттіктер мен лотореяларға әуестігі артып келеді. Бізге, бәлкім, өкілетті министрлікпен бірге қолданыстағы "Жарнама туралы" Заңға толықтырулар енгізу дайындау қажет шығар", – деді ол.
Министр Марат Бекетаев бұл мәселені жолға қою үшін Ақпарат және қоғамдық даму министрлігіне ұсыныс жолдау керектігін айтты.
Есжан Ботақара
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
