Бұқтырмада көлік мұз астына түсіп кетті

144

Зардап шеккендер жоқ.

Бұқтырмада көлік мұз астына түсіп кетті Фото: видео скриншот

Абай облысы Көкпекті ауданындағы Бұқтырма су қоймасында мұз астына түсіп кеткен көлік шығарылды, деп хабарлайды inbusiness.kz сайты.

Облыстық Полиция департаментінің мәліметіне сүйенсек, Көкпекті ауданының тәртіп сақшылары Бұқтырма су қоймасындағы "Табанды қара" учаскесінде мұз астына жартылай түсіп кеткен көлікті көрген. Олар дереу жүргізушіге көмекке ұмтылды. 

"Жүргізуші өз күшімен мұздан шыға алмаған. Полицейлер жағдайды жылдам бағалап, тростың көмегімен көлікті бекітіп, оны қауіпсіз жерге алып шықты. Құтқарылған жүргізуші полиция қызметкерлеріне өз алғысын білдірді",  делінген ақпаратта.

Осы ретте, департамент қызметкерлері азаматтарды мұз үстімен, оның ішінде "Табанды қара" учаскесінде жүргенде барынша сақ болуға шақырды. Мұздың беріктігі туралы нақты ақпарат болмаса, қауіпсіздік мақсатында автокөлікпен мұз үстіне мүлде шықпаған жөн. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу