ҚР Көлік министрлігі Астана әуежайының БАӘ-ден Terminals Holding басшылығына өтуіне қатысты түсініктеме берді, деп хабарлайды inbusiness.kz сайты.
"Астана әуежайы араб инвесторына өтті. Олардың әлемдегі ірі халықаралық әуежайларды қамтитын жаңа бағыттары бар. Abu Dhabi Ports – жолаушылар ағыны 28 млн адамды құрайтын ірі әуежайлардың бірі, менеджменті өте жоғары және дәл осындай әуежайлардағы стандарттар Астанада да дами түседі. Жаңа басқарушы компаниялардың келуімен сервис пен менеджменттің мүлдем басқа деңгейі болады. Бұл – өте маңызды. Бұл ретте біз жай ғана шетелдік компанияға береміз деп айтпаймыз, шетелдік компанияның алдына нақты міндеттер де қойып отырмыз", – деп түсіндірді Марат Қарабаев.
Яғни, шетелдік инвестор алдына қойылған бірінші міндет – ұшу-қону жолағын толық жөндеу. Осылайша, Көлік министрінің айтуынша, республикалық бюджетке түсетін жүктеме айтарлықтай төмендейді. Ал бұл ақша бюджеттен халықтың қажеттіліктеріне жұмсалады.
"Екіншіден, олар аэровокзал кешенін жөндейді. Үшіншісі – алаңқайда үлкен аквахаб құру. Аквахаб – жерде барлық жүктер бір жерде жинақталады, белгілі бір тарату жұмыстарынан өтеді және нәтижесінде әуежайдың айналасында жұмыс орындары құрылады. Бұл мәселелерді араб инвесторымен талқылаймыз", – деп атап өтті Марат Қарабаев.
Оның айуынша, шетелдік инвестор әуежай айналасында менеджменттің мүлдем жаңа деңгейін құруды ұсынған, оған үлкен қоймалар, жаңа қонақ үй кешендері және әуежай қызметкерлері үшін бөлек аймақ кіреді.
