Ақмола облысының Бурабай ауданында Төтенше жағдайлар министрлігінің құтқарушылары тауда жарақат алған жасөспірімге көмек көрсетті, деп хабарлайды inbusiness.kz сайты.
2008 жылы туған жасөспірім Болектау тауында аяғын жарақаттап, шамамен 250 метр биіктіктен өздігінен түсе алмай қалған.
Жер бедерінің күрделілігіне байланысты құтқарушылар оны жаяу эвакуациялады. Зардап шегушіні зембілмен таудың етегіне түсіріп, жедел медициналық жәрдем бригадасына тапсырды.
ТЖМ тауға шығатын азаматтарды дене дайындығын ескеріп, қауіпсіз бағыттарды таңдауға және қауіпсіздік талаптарын сақтауға шақырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
