Ертең еліміздің басым бөлігінде ауа райы тұрақсыз сипатта болмақ, деп хабарлайды inbusiness.kz тілшісі синоптиктер болжамына сілтеме жасап.
"Найзағайлы жаңбыр жауады. Оңтүстік-батыста, оңтүстікте, ҚР орталығында бұршақ жаууы мүмкін. Республиканың солтүстігінде, шығысында, оңтүстік-шығысында солтүстік-батысында жауын-шашынсыз ауа райы күтіледі. Республика бойынша жел күшейеді, солтүстік, шығыста тұман, оңтүстікте шаңды дауыл болады", – дейді синоптиктер.
Түнде Маңғыстау облысының оңтүстігінде, шығысында қатты жаңбыр жауады.
Ақмола, Павлодар, Қарағанды, Шығыс Қазақстан, Солтүстік Қазақстан, Қостанай облыстарында 1-3 градус аяз күтіледі.
"Қызылордада, Түркістан қаласы, Ақтөбе, Ұлытау, Алматы облыстарында төтенше өрт қаупі сақталады", - деп атап өтті синоптиктер.
