Астанада "Business Lady Qazaqstan – 2023" республикалық салалық сыйлығы табысталды. Іс-шара әйелдер кәсіпкерлігін насихаттау, оның ішінде ауыл әйелдерін, көпбалалы аналарды және ісін жаңа бастаған кәсіпкерлерді қолдау мақсатында өткізілді. Марапаттау рәсімі Астана қаласының Әйелдер істері және отбасылық-демографиялық саясат жөніндегі ұлттық комиссиясы, Астана мәслихаты және Астана әкімдігінің қолдауымен ұйымдастырылды.
"Заманауи қоғамда әйелдер көп міндетті тез игеріп, қиындықтарды оңай жеңеді: бала тәрбиелейді, үй ішінде жайлылық пен жылулық та олардың мойнында, бизнес пен жұмыста табысты, ал алдына мақсат қойса, мансап баспалдағын да сенімді бағындара біледі. Осы салтанатты шара – соның тікелей дәлелі. Business Lady Qazaqstan Республикалық салалық жыл сыйлығына жарияланған байқау көптеген әйелдерді оның иегері болуға шабыттандырды. Бұл ана және үй шаруасындағы рөлін лайықты атқаратын, сондай-ақ өздерінің іскерлігін дәлелдейтін заманауи әйелдерге арналған ынталандырушы сайыс", - деп атап өтті ҚР Парламенті Мәжілісінің депутаты Қарақат Әбден.
Марапаттау рәсіміне ҚР Парламент Сенатының депутаттары ҚР Парламенті Мәжілісінің депутаты Мұрат Әбенов, Қарақат Әбден, ҚР Президенті жанындағы Әйелдер істері және отбасылық-демографиялық саясат жөніндегі Ұлттық комиссия төрағасының орынбасары Лаззат Сүлейман, Астана қаласы мәслихатының депутаты, меценат Бауыржан Қасымбергебаев сияқты саяси және Дана Есеева, Данияр Жұмаділов, Әйгерім Сейфолла және т.б. белгілі шоу-бизнес саласының тұлғалары қатысты.
"Business Woman KZ" қоғамдық бірлестігі - әйел кәсіпкерлерді, бизнес басшылары мен иелерін ортақ құндылықтар, мүдделер мен идеялар негізінде біріктіретін кәсіби алаң. Қауымдастық резиденттері бір-біріне қол ұшын беріп, кейстермен бөліседі, жаңа технологияларды енгізіп, қоғам өмірін жақсы жаққа өзгертуге ортақ күш салады. Қазақстанда қауымдастықтың 11 филиал табысты жұмыс істеп жатыр, бірлестіктің 200-ден астам резиденті бар.
