Бустерлік дозаны алған дұрыс. Бұл туралы Денсаулық сақтау министрі Ажар Ғиниятқызы мәлімдеді, деп жазады inbusiness.kz.
"6 ай сайын бустерлік доза дейміз немесе ревакцинацияны алып отырған дұрыс. Өйткені КВИ-дің қайта-қайта мутацияға ұшырап, әрбір аурудың өршуін беріп отырғанын көріп отырмыз. Еліміз алтыншы толқынға кіріп отыр", – деді Ажар Ғиниятқызы.
Айта кетейік, елімізде егілуге тиісті ересек адамдардың 80%-нан астамы вакцинациядан өтті. Бұл ел халқының 56%-ын құрайды. Ревакцинациямен 5 млн-нан астам адам қамтылды, бұл егілуге тиісті халықтың 68%-ын құрайды. Тәулігіне 14 мыңнан астам адам екпе алып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
