БҰҰ-ның 2022 жылғы мәліметтері бойынша, бүкіл әлемде 108,4 миллион адам әскери қақтығыстарға, қудалауға, зорлық-зомбылыққа және адам құқықтарының бұзылуына байланысты өз елдерінен кетуге мәжбүр болды, деп хабарлайды inbusiness.kz тілшісі.
Бұл көрсеткіш қатарынан оныншы рет максималды мәнге дейін өсіп келеді, мысалы, бір жыл ішінде босқындар саны шамамен 20 миллионға артқан. 2023 жылдың мамырына қарай бөл көрсеткіш 110 миллион адамға дейін артуы мүмкін, делінген БҰҰ Босқындар ісі жөніндегі Жоғарғы Комиссары Басқармасының (БҰҰ БЖКБ) жыл сайынғы "Жаһандық тенденциялар" есебінде.
Теріс тенденцияның басты себебі - Ресейдің Украинаға қарсы бастаған соғысы. Украинадан қашқандар саны 2021 жылдың аяғында 27 300-ден 2022 жылдың аяғына қарай 5,7 миллионға дейін жеткен. Сонымен қатар, 2022 жылы бүкіл әлем бойынша қоныс аударушылар санының өсуі Ауғанстаннан келген босқындарды қайта есептеумен, сондай-ақ басқа да әскери қақтығыстармен түсіндіріледі.
