БҰҰ басшысы "әйелдерге инвестиция салуға" шақырды

638

Әйелдер мен қыздар үлкен жетістіктерге қол жеткізді – олар бар кедергілерді бұзып, стереотиптерді жойып, әділ де тең әлемге қарай ілгерілеуде, деп хабарлайды inbusiness.kz сайты.

БҰҰ басшысы "әйелдерге инвестиция салуға" шақырды Фото: nationalheraldindia.com

Бұл туралы БҰҰ Бас хатшысының Халықаралық әйелдер күніне арналған бейнеүндеуінде айтылған, деп хабарлайды БҰҰ жаңалықтар орталығы.

"Бұл ретте олар үлкен кедергілерге тап болады. Миллиардтаған әйелдер мен қыздар маргинализация, әділетсіздік және кемсітушілікпен бетпе-бет келеді, ал әйелдерге қатысты жалғасып жатқан зорлық-зомбылық індеті бүкіл адамзат үшін ұят жағдай", - деп жалғастырды Антонио Гутерриш.

БҰҰ басшысының айтуынша, қазіргі әлем әлі де ер адамдар үстемдік ететін "мыңдаған жылдардағы билік қатынастарын" көрсетеді. Прогреске қауіп төніп тұр, өйткені әйелдердің құқықтарына аяусыз шабуыл жасалуда.

"Дамудың қазіргі қарқынында құқықтық теңдікке үш жүз жылдан кейін ғана қол жеткізуге болады. Біз тезірек қозғалуымыз керек", - деді А.Гутерриш.

БҰҰ Бас хатшысы өз құқықтары үшін күресетін әйелдер мен қыздарды қолдауға және прогресті жеделдетуге шақырды. Оның айтуынша, биылғы Халықаралық әйелдер күнінің

"Әйелдерге инвестиция" тақырыбы патриархатты жою ақшаны қажет ететінін еске салады.

А.Гутерриш "алдыңғы қатарда" тұрған әйелдер ұйымдарын қолдау, әйелдерге қатысты зорлық-зомбылықты тоқтату және әйелдерді экономикаға, цифрлық технологияға, бейбітшілік орнатуға және климаттың өзгеруіне қосуға жәрдемдесу бағдарламаларына инвестициялау қажеттілігі туралы айтты.

"Сондай-ақ біз бизнес, қаржы, орталық банктер мен қаржы министрліктеріндегі көшбасшы әйелдердің санын көбейтуіміз керек. Әйел құқығы – әділ, бейбіт және гүлденген қоғамға апаратын дәлелденген жол. Бұл бәрімізге пайдалы", - деді БҰҰ басшысы.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу