БҰҰ Қауіпсіздік кеңесі Израиль қорғаныс армиясының Рафахтағы лагерьге соққы бергеніне байланысты шұғыл отырыс өткізеді. Бұл туралы Қауіпсіздік Кеңесіндегі дипломатиялық дереккөз ТАСС-қа хабарлады, деп жазады inbusiness.kz сайты.
"Сейсенбі күні кешке Алжирдің өтініші бойынша жабық консультациялар өтеді", - деді дереккөз.
27 мамырға қараған түні Израиль әскери күштері кем дегенде сегіз рет зымыранмен соққы берді. Палестинаның wafa агенттігі келтірген соңғы мәліметтерге сәйкес, рейдте кем дегенде 40 адам қаза тапты, құрбандардың көпшілігі әйелдер мен балалар.
БҰҰ Халықаралық соты 24 мамырда Оңтүстік Африканың талабы бойынша Израиль Рафахтағы шабуылды және қала тұрғындарына теріс әсер етуі мүмкін кез келген басқа әрекеттерді тоқтатуы керек деген қаулы қабылдады.
