Сонымен қатар, Қауіпсіздік Кеңесі Талибанның (ҚР аумағында тыйым салынған ұйым) ҮЕҰ мен халықаралық ұйымдардың қызметкерлеріне жұмысқа шығуға тыйым салу шешіміне де қарсы, деп хабарлайды Inbusiness.kz.
"Қауіпсіздік кеңесі талибандардың әйелдер мен қыздарды университеттерге жіберуді уақытша тоқтатып, алтыншы сыныптан асқан мектептердің жабылуына байланысты тағы да алаңдаушылық білдірді және әйелдер мен қыздарды Ауғанстан өмірінен шеттетпеуге шақырды", — делінген хабарламада.
БҰҰ Қауіпсіздік Кеңесі талибандарды мектептерді қайта ашуға және "адам құқықтары мен негізгі бостандықтарына қарама-қайшы дүниеден бас тартуға шақырды.
Бұған дейін ауған бұқаралық ақпарат құралдары Талибан Үкіметіндегі жоғары білім министрлігі Ауғанстанның жеке және мемлекеттік университеттерінде студенттерді оқытуды тоқтата тұруға бұйрық бергенін хабарлады. Ауғанстанның жоғары білім министрі зайырлы жоғары оқу орындарында қыздарды оқыту ислам заңдарын бұзады және ислам дәстүрлеріне қайшы келеді деп мәлімдеді.
