2 желтоқсанда АҚШ президентінің климат жөніндегі арнайы өкілі Джон Керри БҰҰ-ның Дубайдағы (БАӘ) климаттың өзгеруі жөніндегі конференциясында "COP28" ядролық энергияны пайдалануды үш есе арттыру туралы Декларацияны жариялау үшін төрт континенттің басшылары мен министрлеріне қосылды. Бұл туралы inbusiness.kz сайты Америка Құрама Штаттары үкіметінің баспасөз қызметіне сілтеме жасап хабарлайды.
Декларацияда атом энергетикасының 2050 жылға қарай парник газдар шығарындыларының жаһандық нөлдік деңгейіне қол жеткізудегі және температураны Цельсий бойынша 1,5 градусқа дейін төмендету мақсатына қол жеткізудегі негізгі рөлі қарастырылады.
Сондай-ақ, құжатта сенімді жеткізу тізбегінің қажеттілігі атап көрсетіліп, Дүниежүзілік банк акционерлерін, халықаралық қаржы институттары мен аймақтық даму банктерін атом энергиясын өздерінің несиелік саясаттарына енгізуге шақырады.
Айта кетсек, атом энергиясын үш есе пайдалану туралы декларацияны қолдаған елдердің қатарында Болгария, Канада, Чехия, Финляндия, Франция, Гана, Венгрия, Жапония, Молдова, Моңғолия, Марокко, Нидерланды, Польша, Корея Республикасы, Румыния, Словакия, Словения, Швеция, Украина, Біріккен Араб Әмірліктері, Ұлыбритания және АҚШ елдері бар.
