БҰҰ-ның адам құқығы жөніндегі кеңесі 43-ші сессияның бірнеше шарасын уақытша ұйымдастырмайтын болды. Бірақ маңызды деген отырыстар өткізілмек. Кеңес президенті Элизабет Тичи-Фиссльбергер осылай деді. Айтуынша, бұл – әлемді жайлаған эпидемияға байланысты қабылданып отырған сақтық шарасы.
БҰҰ-ның Женевадағы бөлімшесінің бас директоры Татьяна Валовая Кеңес президентіне шараларды өткізбеу туралы шұғыл хат жіберіпті. Құжатта сонымен қатар негізгі сессия кезіндегі басқа да кездесулерді болдырмауға және 43-ші сессияның қатысушыларына Женеваға жол жүрмеуіне, отырысқа видеобайланыс арқылы қатысуға кеңес берілген. Ұйымның адам құқығы жөніндегі кеңесінің сессиясы Женева қаласында 24 ақпан пен 20 наурыз аралығында өтеді.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
