БҰҰ Ресейді Украинаның бейбіт тұрғындарын қорғай алмады деп айыптады

367

Қарулы күштер адам құқықтары мен гуманитарлық заңдарды құрметтеуге тиіс.

БҰҰ Ресейді Украинаның бейбіт тұрғындарын қорғай алмады деп айыптады Фото: SIPA / SCANPIX

Біріккен Ұлттар Ұйымының Адам құқықтары жөніндегі Жоғарғы комиссары Фолькер Түрік Ресей Украинадағы бейбіт тұрғындарды қорғау үшін тиісті шараларды қабылдамағанын және ресейлік әскерлердің әскери қылмыс жасағанының белгілері бар екенін айтты, деп хабарлайды Inbusiness.kz сайты.

Reuters агенттігінің хабарлауынша, Жоғарғы Комиссар кеңсесі "адам құқықтарының бұзылғанын, халықаралық гуманитарлық құқықтарды өрескел бұзуды және ең алдымен Ресей Федерациясы тарапынан әскери қылмыстарды" тапқан.

Женевадағы Адам құқықтары кеңесінде Түрік бірқатар заңбұзушылықтарды атап өтті, оның арасында Ресей Украинаға басып кіргеннен бері 142 бейбіт тұрғынды өлім жазасына кескен, сондай-ақ тұтқындарды ұрлау, азаптау және сексуалдық зорлық-зомбылық жасалған.

Ресей Украинада бейбіт тұрғындарға қарсы қатыгездік пен шабуылдар жасағанын жоққа шығарады.

"Ресей Федерациясы шабуыл кезінде бейбіт тұрғындар мен азаматтық объектілерді қорғау үшін тиісті шараларды қабылдаған жоқ", - деді Түрік.

Оның айтуынша, екі елдің, әсіресе Ресейдің қарулы күштері адам құқықтары мен гуманитарлық заңдарды құрметтеуге тиіс.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу